عجزت أنساك

عجزت أنساك يا ذيك الشوارع والسكك والدور

عجزت أنساك مع اني أحاول قد ما فيني ..

أحاول بس من ألمح ضوى نورك يفيض شعور

وكل اللي بقوله وفي خفوقي ، تسبقه عيني

ويتهاطل معه دمعي ، وأنا أبقى وحيد أدور ..

أدورني وسط ذيك الشوارع والسكك ويني !

ألا ياذكريات اللي عجز ينسى وهو مخطـور

يموت بشدة اشواقه ، عجزت أنساك انسيني

أنا مجبور يوم أرحل عن أسوارك أنا مجبــور

أحسب إني بلاقيني ، عجزت إني الاقيني ..

تعبت أدوّر لذاتي ، تعبت أضحك وانا مقهــور

تعبت أخبي بصدري حنين ٍ صار يطويني ..

أبي لا جيت لك ضايق من الدنيا ياذيك الدور

تداريني وسط حضنك ، عن الدنيا تداريني


بقلمي

موضوعك جميل عزيزتي

وجدير بالتقييمـ

تحيتي لكــ